hari chatni ke fawaid

قوت مدافعت بڑھانے والی ہری چٹنی جھٹ پٹ بنائیں اور بلڈپریشر اور وزن میں بھی کنٹرول پائیں

خواتین چٹنیوں کی بڑی شوقین ہوتی ہیں اور چٹ پٹے کھانوں کے ساتھ تو آپ یقینی طور پر مختلف چٹنیوں کا استعمال کرتے ہی ہیں، اور چٹنی کے ذائقے سے لطف اندوز ہوتے رہتے ہیں۔ کیا کبھی آپ نے سوچا ہے کہ چٹنی بھی آپ کو کوئی فائدہ دے سکتی ہے؟ شاید نہ سوچا ہو کیونکہ ہمیں کھانے کے ذائقوں سے مطلب ہوتا ہے۔

لیکن آج ہم آپ کو بتاتے ہیں ایسی عام طبی چٹنی یا جسے گھر میں آپ ہری چٹنی کہتے ہیں، جو نہ صرف کھانے میں مذیدار ہے بلکہ اس کے حیرت انگیز فوائد بھی ہیں:
• طبی چٹنی سے آپ کا مدافعتی نظام اچھا ہوگا، مختلف وائرل جراثیموں اور انفیکشنز سے نجات ہوگی۔
• بلڈ پریشر کو کنٹرول کرتی ہے، دل کو راحت دیتا ہے۔
• اس سے آپ کا نظامِ ہاضمہ اچھا ہوتا ہے۔یہ موٹاپے کو کنٹرول کرتی ہے اور جسم میں کولیسٹرول کو بڑھنے سے روکتی ہے۔

طریقہ:

• سب سے پہلے ہرا دھنیا، پودینہ، ہری مرچیں، لہسن، ادرک اور لیموں کو اچھی طرح دھو لیں۔
• ادرک اور لہسن کو چھیل کر صاف کریں اور کاٹ لیں۔ ساتھ ہی ہری مرچوں کی ڈنڈیاں بھی توڑ لیں۔
• بلینڈر میں ادرک کے کٹے ہوئے ٹکڑے ، لہسن کے جوے، دار چینی، اناردانہ، ہلدی، کالی مرچیں، زیرہ، لیموں کا رس، ہری مرچیں، دھنیا، پودینہ، آدھا کٹا ہوا کھیرا اورتھوڑا سا پانی ڈال کر چلائیں اور تمام چیزوں کا ایک آمیزہ تیار کرلیں۔لیجیئے طبی ہری چٹنی تیار ہے۔

ضروری ٹپس:

• اس چٹنی کو بنانے کے لئے آپ پانی کا زیادہ استعمال نہ کریں کیونکہ اس کی جگہ ہم نے کھیرا بھی استعمال کیا ہے۔
• سوکھی ہلدی، کالی مرچیں اور ثابت دار چینی نہ ہو تو سب چیزوں کا پاؤڈر استعمال کریں۔چاہیں تو ان تمام چیزوں کو سل بٹے پر پیس لیں۔ پسی ہوئی چٹنی کا ذائقہ سب سے اچھا اور مزیدار ہوتا ہے۔

نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔